Nabiktima ka na din ba ng mga salitang ito?
 |
| Retrieved December 16, 2013 http://listdose.com/top-10-most-common-lies-people-speak/ |
 |
| Retrieved December 16, 2013 http://listdose.com/top-10-most-common-lies-people-speak/ |
 |
| Retrieved December 16, 2013 9GAG.COM |
Sigurado akong lahat tayo ay
nakapagsinungaling na. Lahat tayo ay nakaranas ng manloko sa ating kapwa sa
pamamagitan ng hindi pagsasabi ng katotohanan. Ngunit paano ba natin
maipapaliwanag ito?
Ang katanungang ito ay tinangkang
ipaliwanag nina Buller, D.b., at Burgoon, J.K. sa kanilang teoryang Interpersonal Deception. "Interpersonal" na nangangahulugang komunikasyon na nangyayari
at nagaganap sa pagitan ng dalawa o higit pang tao at “deception” na sa
tagalong ay anumang uri ng pandadaya. Mula sa dalawang kahulugan na ito, ang teorya ay tumutukoy sa mga pandadaya o pagsisinungaling na madalas nating marinig mula sa maliit hanggang sa malalaking usapan ng mga tao Ito ay
nagaganap kapag ang tagapagsalita ay naghahatid ng isang mensahe na may bahid
ng kasinungalingan sa tagatanggap ng mensahe. Kadalasan, ang mga taong
nandadaya ay nagmamanipula ng impormasyon na naipapahayag sa isang tapat at
maayos na pamamaraan.
Sinasaad din sa teoryang ito na hindi
lahat ng porma ng pagsisinungaling ay nananatiling lihim. Kadalasan, may mga butas
o tagas pa din ang mga ito o sa madaling salita, nabubunyag o nabubulgar. Ayon
sa “Leakage Hierarchy” nina Miron Zuckerman at Robert Driver, maaaring
makapandaya tayo sa pamamagitan ng berbal na komunikasyon (pasalita man o
pasulat) ngunit maaari din na kakitaan tayo ng butas sa pamamagitan ng ating
pisikal na galawan (Hal: sobrang pagkakatitig sa mata ng kausap, patingin
tingin sa kawalan, paulit ulit na kilos at ang biglaang pagbilis o pagbagal ng
pananalita.)
Mula sa aking nasaliksik at nalaman,
masasabi ko na ang teoryang ito ay maaaring masabi bilang isang teoryang
humanistic. Tungkol sa tao at para sa tao. Sa kabilang banda, hindi
ako ganun kakumbinsido sa katumpakan ng paraan para malaman kung ang isang tao
ay nagmamamanipula ng impormasyon. Lahat ng tao ay paiba-iba pagdating sa kilos
at galaw. Bandang huli, ang taong naghahatid ng mensahe lamang ang
makakapagsabi kung siya ay nagsisinungaling o hindi.
Ngunit bumalik tayo sa pinakamalaking
tanong na walang lubusang kasagutan : Bakit nga ba tayo nagsisinungaling? Sa
tingin ko ay hindi na natin kailangang iasa sa teorya ang sagot. Sapagkat ang
dahilan ay natatago sa motibo ng tao sa kanyang ginagawang pandaraya.
Naniniwala ako na gaya ng libog,
pagkain, pag-inom at kung ano-ano pa, ang pagsisinungaling ay isa ring “human
nature”. Kung saan lahat tayo ay nakakagawa, ginusto man natin o hindi. Parte
na ng ating katauhan. Hindi na mawawala, gaano man natin iwasan.
Tama o Mali?
Deepa Majahan, et al. Interpersonal Deception Theory. Retrieved December 16, 2013 from http://www.angelfire.com/trek/voyager7/
Walang komento:
Mag-post ng isang Komento